आजी आजोबा सोबत असणे म्हणजे एक आनंद सोहळाच असतो..!

ते कोणत्याही कारणाने सोबत असलो तरी..
कोणत्याही कठीण परिस्थिती मध्ये आजी आजोबा खूप खंबीर आणि खूप आनंदी असतात. जुन्या पिढी कडे काहीतरी खरच मानसिक आध्यात्मिक शक्ती आहे हेच खरे.

प्रचंड अनुभवांचा खजिना प्रचंड उत्साह आणि इतरांचा कंटाळा दूर करण्याची अद्भुत शक्ती असते आजी आजोबां कडे.
आपण छोट्या छोट्या कारणाने कंटाळून जातो थकतो बोर होतो. जरी आपल्या कडे अनेक नव नवीन साधने आहेत माहितीचा महापूर आहे. ERCP म्हणजे काय हे आपल्याला मिनिटात सापडेल त्याचा व्हिडीयो वगैरे, endoscopy काय laparoscopy त्यातील फरक काय हे आपल्याला पटकन कळेल.
पण प्राप्त परिस्थितीत आनंदी कसे राहायचे आजूबाजूला आनंदी वातावरण कसे ठेवायचे ही कला नवीन पिढी कडे नसावी किंवा आता लोप पावत चालली आहे असेच खेदाने म्हणावेसे वाटते.
आजी आजोबा even माझी आई आज पर्यंत रागावलेली चिडलेली मी पाहीली नाहीये कुठून येते ही अशी महाप्रचंड शक्ती.
आपण लगेच काही झाले की कंटाळा तरी येतो नाहीतर चिडतो तरी.. राग व्यक्त नाही केला तरी मनातून तरी चिडतो बोर होतो थकतो उदास होतो पण हेच कधीच मी आजी आजोबा आई ह्याच्या सोबत पाहीले नाहीये..
भरपूर पैसा मोठे घर गाडी आणि भौतिक सुविधा हया आज आपण मिळवतो किंबहुना मिळवणे खूप सोपे झाले असावे पण सोबतच आपण दूर दूर रहातो सहवास कमी ओळख कमी.. एकटे दुकटे रहाण्याची सवय कोणतीही गोष्ट पैशाने मिळण्याची सोय. त्यामुळे एकत्र काम करण्याची गंमत हरवत चालली आहे की नाही.. कामा (job) निमित्त दूर दूर जाणे राहणे यामूळे आपण माणूस हा समूहात राहणारा प्राणी आहे हे विसरूनच चाललो आहोत की काय असे वाटते.
अनेक कुटुंबे दिवाळीच्या निमित्ताने तरी एकत्र भेटत असतिल पण किती लोकांकडे एकत्र फराळ करतात (म्हणजे बनवतात). आता काय सगळे बिझी विकत आणा आणि खा.
..
खूप काही लिहावेसे वाटत आहे पण शब्द सुचत नाहीयेत..
नवीन पिढीतील किती लोकांना हवी तेव्हा सुट्टी घेता येते..? घरातील सर्व कार्यात भाग घेता येतो..? मनमोकळे पणाने ....?
कारण काय ते सापडत नाहीये मला वाटते नवीन पिढी कडे वेळ नाहीये का..?
एकत्र येणार कधी मग ओळख होणार कधी मग...?
आपणास काय वाटते कसा अनुभव आलाय?
हा फक्त माझाच अनुभव आहे की आणखीन कोणाला असेच वाटते..?
मनात आले तसे लिहीले..!
हे मला लिहीते करण्यासाठी विचारपीठ, श्रीनिकेत देशपांडे व अनेक वेगवेगळे फेसबूक लेखक.. यांची प्रेरणा आहे..
Photo बदल : आजोबांना gallbladder stone साठी hospital मध्ये अ‍ॅडमिट केले आहे. एंडोस्कोपी झाली, त्यातून काढणे कठीण म्हणून आता लेप्रोस्कोपी चा विचार आहे..
साध्या मी सोबत आहे.. पण उत्साह पहा त्यांनी स्वतःच असा फोटो काढायला सांगितला..

सूर्य खूप छान दिसत होता. पण फ्लॅश घेतला की सूर्य गायब आणि फ्लॅश नाही घेतला की चेहरा गायब असे होत होते त्यामुळे दुसर्‍या फोनचा continuous flash वापरला.. बराच वेळ प्रयत्न केला तेव्हा कुठे हा पिक मिळाला.

- Pushkar Hemanta Joshi