माझी पंढरपूरची वारी

तसा मी नास्तिकच पण कोणासही विरोध नाही...... तर आषाढी एकादशी निमित्त दर वर्षी प्रमाणे आम्ही चौघे जण Wagnor मधून वारीला निघालो. संभाजीनगर जवळ (औरंगाबाद) पंढरपूर नावाचे एक गाव आहे १० कि मी तिथे आमची वारी निघाली. सकाळी ६-३० वा निघालो व ७ वा पोहोचलो. बाबा कार पार्किंग साठी चांगली जागा शोधायला निघाले आम्ही पुढे निघालो .... नेहमीप्रमाणे प्रचंड गर्दी आम्हाला वाटले २-३ तास लागणार.... इथे पुरुष व महिलांची रांग वेगवेगळी होती पण गर्दीला गती होती...... पुरुषांची रांगेत मोकळे पण होता तर महिला उगाचच गर्दी लोटालोटी करीत होत्या ... त्यामुळे महिलाच्या रांगेत खूप घनता होती ... १ च्या जागी ४ जणी उभ्या होत्या तर त्याच वेळेस इकडे २ जणाच्या जागी १ जण उभा होता .... मधेच काही भजनी मंडळ भजने म्हणत होती तिकडे पोलीस उगाचंच ढकला ढकली करीत होते.... तिकडे mic वर .... महिलांनी हळद कुंकू वाहू नये ही नम्र विनंती ... कोणी पान फुल वाहू नये .. लहान मुलांना सांभाळा ... उगाच लोटालोटी करू नका ..... वगैरे वगैरे अशा अनेक नम्र विनंत्या तावा तावात देत होते...... महिलांची गर्दी भरपूर वाढतच होती...... तेवढ्यात बाबा गाडी park करून आले. त्यामुळे मी व भाऊ .. आई .. व बाबा असे सगळे जण वेग वेगळ्या ठिकाणी होते . . . . . गाभाऱ्यात सोडताना महिला व पुरुषांना मोजूनच सोडत होते . . . . त्यामुळे महिलांची रांग वाढतच चालली होती. २-३ ठिकाणी काठ्या लावून गर्दीला नियंत्रित करीत होते ...... महिलांची गर्दी पाहून एका ठिकाणी (माझ्या मागे) पुरुषांची रांग थांबवून दोन्ही रांगा महिलांच्या केल्या त्या मुळे माझ्या मागे सर्व महिला वर्ग आला..... गंमत अशी की आता त्या गर्दी करत नव्हत्या ..... जेव्हा आम्ही गाभाऱ्यात गेलो तेव्हा गंमतच झाली. सगळ्या महिलांना काय उत्साह आला कोणास ठाऊक परत ढकला ढकली रेटारेटी सुरु...... आणि मला ढकलून दिले बाजूला पण गमत अशी झाली कि उंची मुळे मी छान दर्शन घेत होतो फक्त कोपऱ्यातून .... मी जाण्याचा अयशस्वी प्रयत्न केला पण गर्दी मला काही जाऊ देईना ...... आणि मी महिलांची रांग संपू स्तोवर म्हणजे १/२ तास साधारण मंदिरातील गाभाऱ्यात (शांतपणे ?) उभा होतो ...... विठोबा रखुमाईचे दर्शन घेत होतो ...... खरंच जिथे १-२ सेकंद पण दर्शन घेणे अशक्य होते तिथे मी अर्धा तास होतो...?! देव आहे का नाही ते माहित नाही पण योगायोग तर नक्कीच आहे ... मीच का ? असे माझ्या बरोबर आणखीन १-२ वेळेस झाले आहे तरी मी अजून नास्तिकच आहे..... खरंच ?

हे सगळं अनुभवून मला असे म्हणावेसे वाटते

ज्ञानेश्वर माउली ज्ञानराज माउली तुकाराम !!! .......